Oshiketha sho NSFAF sha pewa oshimaliwa sha kola momumvo shimaliwa gonuumvo

Oshimaliwa oshindji sha pewa uuministeli welongo lyopombanda nomadheulo otashi ka longithwa okukwathela melongo lyopombanda ,oku yambidhidha aailongi mboka yeli mompumbwe okupitila moshiketha sho Namibia Students Financial Assistance Fund.

Oshimaliwa sha konda poodola oobilion 4.7 oshodhekelwa uuministeli welongo lyopombanda nomadheulo momumvo shimaliwa go 2024-2025.

Ta popi megumbo lyopashigwana ohela,minister Itah Kandji Murangi  okwati oshimaliwa sha konda poobilion 4.4. sho budget ayihe osha pewa omahangano ga 7 gepangelo  ngoka geli kohi yuuministeli welongo lyopombanda,noodola oobilion 2.3 dha pewa o NSFAF.

Minister ta gwedhako kutya epangelo oliitulamo okugandja eyambidhidho kaailongi mboka yeli mompumbwe.

Momumvo 2022-2023,aailongi aape 17 096 naamboka taya tsikile yeli 24 348 oya kwathelwa okupitila mo NSFAF.

Omanga nuumvo oshiketha tashi ka longitha odoola oobilion 2.05 oku kwathela aailongi aape 20 122 naamboka taya tsikile yeli 27 047.

Oshiputudhilo sha UNAM otashi pewa oshipambu shili pombanda,shoodola obilion 1.04,o NUST oomilion 505.