Etungo la wapo noku dipaya ovanhu 7 mo Ethiopia.

Etungo la hangwa lili metifa loku longululwa moshilando pangelo sha Ethiopia, ola ngumukapo noku dipaya ovanhu veli 7 vahangwa vanangala monele ye tungo.

Oshiningwanima ota ku lopotwa sha holoka efimbo leevili dongula onghela mo shilando  Addis Ketema,  oshilando sha palafana eengaba noshilando pangelo Addis Ababa.

Nigatu Mamo, eli omupopiliko moshilando mwa ningilwa oshiningwanima okwa lombwela oshikundaneki sho  BBC kutya,  mo kati kaavo va xulifa omwa kwa telwa ounona vashona veli 3.

Eelopota odati opolifi oya hovela no makonaakono oku tala utya oshike sha etififa etungo litekepo.

Ota ku lopotwa kutya kashifi oshikando shotete omudingonoko omo tamu holoka oshiningwanima sholudi olo, shalandula eshi mo 2022   ovanhu veli 6 va xulifile, omanga 7 vafiilwe va ehamekwa konima eshi etungo lawilepo mo mudingonoko wa Merkato,.

Ovashiivi nawa ovati ounghundi womatungo no milanduveta di hena eenghono ota shidulika osho sha etififa etungo li wepo.