Yaali ya mangwapo sho yaadhika nongaka yina omwenyo moshitopolwa Oshikoto

Aafekelwa yaali aalumentu oya mangwapo sho yaadhika nongaka yina omwenyo moshitopolwa Oshikoto molyomakaya.

Omukwatakanithi gwekondololo lyiimbuluma moshitopolwa Oshikoto Deputy Comm Titus Ekandjo okwa lombwele o Nampa kutya aalumentu yomimvo 30 no 34 oya mangwapo lopotundi onti 20h00 moshikandjohogoolo Nehale Lya Mpingana  pethimbo lyoshikonga shopamuhanga shili ompinge nuukongo pokati kopolisi yoshilongo muuministeli womidhingoloko.

Ongaka oyina ongushu yoodoa 50 000.

Aafekelwa okwa tegelelwa ya holoke mohofa ya Tsumeb ongula.