Eendokotola mo Kenya da shuna koilonga

Eendokotola mo ipangelo yepangelo mo Kenya oda dimina oku shuna  keenele doilonga,  konima eshi da kala mekangha la kwata oule wee hani ta diishilile pu 2.

Davji Atellah, eli hamushanga we hangano lililepo eendokotola moshilongo osho,  okwe shikoleka ko ikundaneki kutya, eendokotola oda ninga etokolo oku shuna koilonga, noku tula elineekelo lado mepangelo li kale la nyamukula komakemo oo ali aetififa ekangha.

Eendokotola moshilongo osho ota ku lopotwa da kala deli teeka koilonga omolwo eendjabi da nangatela,  nonghalo yeenele doilonga yapumbwa elunduluko.

Ota ku lopotwa etokolo lo kushuna koilonga kwee ndokotola leya konima eshi omangu yoilonga mo Kenya,  yali ya yandja elombwelo opo eendokotola ne pangelo di kale deyapo neudafano twokumwe mo shinima.

Oo eli ominsiter yo uhaku mo Kenya, Susan Nakhumicha okwa ti eendokotola oda koleka opo diye meenghundafana dili xwepo ne pangelo tati oda lwa olwoodi liwa.

Exulifepo lekangha oleya pefimbo omuvalu wo vanhu eemillion mo Kenya, va pumbwa ekwafo lo uhaku moipangelo ye pangelo onghalo oyo ya talika ya divilikifwa kekangha la kala moshilongo.

Oshilongo Kenya pefimbo eli oshili sha taalela onghalo ya naipala oyo yaetififwa komeva efudja onghalo oyo takutiwa oya kuma oshiwana shifike po  235,000.