Ehangano lya America nolya France taga pangele okuyapo notuntila yo COVID 19 ,yina wo otuntila yeshikisha

Ehangano lyo Aputeka lya France lyo Sanofi nolya America ndyoka tali nyenywa,lyo Novavax nena oya tseyitha taya imanga kumwe okulanditha otuntila yo COVID 19 nokuyapo nayimwe ndjoka yina otuntila yeshikisha.

Kohi yompangela yolisinisa yoodola oobilion dha America sigo 1.2,omahangano gopaali otaga ka longela kumwe okulanditha otuntila  yo COVID 19 yo Novavax muuyuni auhe,kakele miilongo yimwe ngaashi India,Japan na South Korea moka ehangano lya America linamo nale uukumwe.

O Novavax otayi ka pewa oshimaliwa shopetameko shoodola oomilion 500 sigo oodola oomilion 700 ngele olyaadha epondolo lyontumba,omanga o Sanofi tayi ka kutha oshipambu shoo % 5 mehangano lya America.

Ehangano lyo France otali ka vula okunduluka ootuntila dho COVID 19 ndjoka tayi vulu wo okupanga eshikisha, tali longitha ootuntila dhalyo yene dheshikisha notuntila yo COVID  19 yehangano lya America,shiikwatelela konzonkundana yo AFP..