Muni gwa Kaiti a mono omukuli goodola oomilion 12.5 okuza kombaanga yo Development bank of Namibia

Muni gwa Kaiti okwati okwa mona omukuli goodola oomilion 12.5 okuza kombaanga yomayambulepo goshilongo DBN-okupingenapo omakwatathano golusheno ngoka ga kulupa.

Shika osha hololwa komukuluntu gomakwatathano nomayakulo gopautekinika Samuel Nashima ohela,pethimbo lyoshigongi shoshigwana shomomudhingoloko gwa Westdene.

Nashima ta holola wo o budget ya Muni yili poomilion 308 yomumvo shimaliwa go 2024-2025,ndjoka ya pumbwa natango okuziminwa kuuministeli wehumitho komeho lyoondolopa nomikandi.

Omanga koopopoleka dha thanekwa momumvo shimaliwa ngoka,Nashima a holola kutya omwa kwatelwa okugandja omeya,ominino dhoohanya,nolusheno ko Extn 7,okuyambulapo oondjila,oku tula omawendo molugumbo,okuyela omapashiyono,nosho tuu.

Pethimbo lyoshigongi osha hololwa wo kutya aakalimo oyena oongunga dha Muni dhili poodola oomilion 224,omanga Muni ena oongunga dha Namwater dhoodola oomilion 33.