Ongundu tayi pangele mo South Africa otashi vulika yiye mepangelo lyembwinda

Ongundu tayi pangele mo South Africa o ANC ohela oyati otayiyi moonkundathana  noongundu dhilwe dhopapolitika okutholomapo epangelo epe,sho ongundu iya kanitha omahogololo gopashigwana.

Onzonkundana yo DAWN oya lopota kutya noo % 99.91 dhomawi ga yalululuwa okuza momahogololo ga ningwa metitatu,ongundu yomupresitend Cyril Ramaposa  o ANC oyina ashike oo % 40.2,okuyeleka noo % 57.5 dhoka ya sindanene nadho momahogololo go 2019.

Amushangandjayi go ANC Fikile Mbalula okwa lombwele omutumba gwiikundaneki kutya o ANC oyiitulamo okutholomapo epangelo ndyoka tali kala muuwanawa noku yakula aantu,lya ngungumana notali vulu okupangela nawa.

Ta gwedhako kutya o ANC otayi ka ninga oonkundathana dhomeni oshowo noongundu dhilwe momasiku geli komeho.

Ongundu yo ANC oya sindana ashike iipundi 159 yomiipundi 400 mopaalamende.

Omanga ongundu yo DA yazimo niipundi 87,noyomupresitend omukulu Jacob Zuma yazimo niipundi 58 mopaalamende.