Omafundja mo Sri Lanka ga faalele oomwenyo dhaantu yeli lopo 26

Oomvula nomakungulukomavi mo Sri Lanka oga dhipaga aantu ya thika 26,shiikwatelela kepangelo nena,noku gandja elombwelo ketanga lyopakwiita li kwathele aantu omayovi omathele mboka ya tulululwa.

Onzonkundana yo AFP oya lopota kutya aantu 42 oyeehamekwa,naantu 130 000 ya thiminikwa ya tauke omagumbo gawo komafundja miikandjo 23 yomiikandjo 25 moshilongo.

Epangelo olya gandja elombwelo opo ooskola adhihe dhi pate ohela,okuza mehuliloshiwike,omanga dhoka dhili miikandjo ya gumwa unene komafundjaa dha pata nena.