Aalongimina ya konda 30 oya kakatela momina ndjoka ya mbonyoka mo Nigeria osondaaha

Aahupithi mo Nigeria okwali taya kambadhala okufulamo aalongimina 30 mboka ya kakatela momina,sho oshilambo shomina sha mbonyoka sha landula omvula.

Omukuluntu gwehangano lyomakwatho gopaulumompumbwe moshitopolwa Niger Abdullahi Baba Ara okwati aalongimina ya kutwa kehangano lyomina moshitopolwa okwali taya longo sigo kwa laata osondaaha moshilambo oshinene momukunda Galkogo moshikandjo Shiroro,sho oshilambo sha mbonyoka ,noya tindilemo.

Nuuyelele mboka yena oomboka kutya aalongimina ya konda 30 oyeli moshilambo.

Aantu ya 7 oya kuthwamo moshilambo yeehamekwa noonkondo,omanga iilonga yehupitho yili metifa oku hupitha mboka natango yeli moshilambo,shiikwatelela konzonkundana yo AFP.