Elelo lyondoolopa ya Ongwediva otali ka tunga endiki lyokapale komaudhano lyopamuthika gopombanda

Elelo lyondoolopa ya Ongwediva otali ka tunga endiki lyokapale komaudhano lyopamuthika gopombanda kongushu yoodola oomilion 5.

Omupopiliko gwelelo lyondoolopa Penda Kashihakumwa momushangwa gwiikundaneki ohela okwati opololeka ndjika ya simana oyuulike ethimbo lya simana meyambulepo neitulemo lyondoolopa okuyambulapo oompito dhomainyanyudho kaakalimo nokaatalelipo.

Iilonga yokutunga oya gandjwa komahangano gokutunga omandaaha,noshiluku shotango shopololeka okwa tegelelwa shi manithwe okutungwa ookuthika ku November nuumvo.’

Endiki otali tungwa mo Extension 7,na Kashihakumwa okwati otali tungwa pandondo yopashigwana,tali kala noku dhanenwa uudhano womoshilongo nowopashigwana.