Ominista yomaudhano mo S.A ya holoka mompangu omolwa okwaahalonga nuuyuki

Ominista yomaudhano mo South Africa oya holoka mompangu nena moshipotha shokwaahalonga nuuyuki,sho ongundu ye tayi pangele o ANC tayiikundu okutholoma epangelo  sho ya zimo niizemo ya nkundipala momahogololo gopashigwana oshiwike sha piti.

Minister Zizi Kodwa okwa mangwapo opamwe nakuume ke,eli wo kuume kopangeshefa shinasha nomakonakono omanene mokwaahalonga nuuyuki kwepangelo kohi yomupresitend Jacob Zuma.

Omupopiliko go HAWKS Thandi Mbambo okwa koleke emangepo lyoohandimwe yaali ongula yonena, sha landula ethindilemo lyokomisi yo state capture.

O Zondo Commission oyili okomisi yoku konakona iimbuluma,ya kwatelwa komeho ku Chief Justice Raymond Zondo,ngoka kwali ta konakona iimbuluma mepangelo lya Zuma lyoomvula 9.

Noya gandja shoka ya monopo komupresitend eli koshipundi Cyril Ramaposa mo 2022.

O News24 oya lopota kutya Kodwa ota pewa ombedhi okutaamba oo rand oobilion 1.6 moombumbo,shinasha nookondalaka dha pelwe oshilando Johannesburg okuyambulapo noku kalekapo oo software.

Emangepo lye olyeya pethimbo edhigu ko ANC ,moka Kodwa eli oshilyo shopombanda.

Aanambelewa yopombanda otaya ningi oonkundathana okuthomomapo epangelo lyuukumwe sho ongundu inaayi  zamo nomawi ogendji okusindana omahogololo.

Kodwa okwali mokati kiilyo yongundu mbyoka kwa tegelelwa yi kuthe oshipundi mopaalamende.