Aantu oyendj otaku lopotwa ya hulithile moshipokela sha Israel moskola Gaza

Aantu oyendji okwa lopotwa ya dhipagwa sho oshiponokela shomewangandjo sha dhenge oskola yehangano lyiigwana ya hangana mo Palestine, mondingandinga ya Gaza.

Omalelo moshitopolwa oga lopota kutya aantu 37 oya dhipagwa sha landula oshiponokela sha Israel uusiku wa piti moskola yehangano lyiigwana ya hangana mo Palestine kokamba yaatembuki ya Nuseirat pooha na Deir Al Balah mondingandinga ya Gaza Strip.

O the Guardian oyati omafano pehala lyoshiponga oguulike omidhimba odhindji dha tegelela okufumbikwa pondje yoshipangelo mo Deir Al Balah.

Omukuluntu gomakwatathano mehangano lyiigwana ya hangana mo Palestine Juliette Touma nena okwati omwaalu gwaamboka kwa lopotwa ya dhipagwa koshiponokela sha Israel moskola ya Nuseirat oguli pokati ko 35 no 45,ashike itaya koleke natango omwaalu goka.

Etanga lyopakwiita lya Israel olyati ongundu yo Hamas okwala tayi longitha ehala onga o compound yopakwiita.

Onzonkundana yo Reuters oya lopota kutya omupopiliko gwetanga lyopakwiita lya Israel Lt Col Peter Lerner okwati aakwiita oyendji oya dhipagwa nokwati keshi naana omwaalu gomaso gaakwashigwana moshiponokela.