O DA otayiyi ashike mondjokana no ANC ngele o EFF,o MK Party no Patriotic Party indadhi kwatelwamo

Ongundu yompilameno yopambelewa mo South Africa o DA oyati otayi ka zimina ashike okukala oshitopolwa shepangelo lyuukumwe ndyoka lya thanekwa ko ANC  ngele ongundu yo uMkhoto we Sizwe,yo Economic Freedom Figthers noyo Patriotic Alliance inadhi kwatelwamo.

O SABC oya lopota kutya ohela,omupresitend go ANC Cyril Ramaposa okwa tseyitha kutya ongundu otayi kongo okutholomapo epangelo lyuukumwe noongundu dhoompilameno.

Ongundu oya tulapo oompango dhawo dha kwata miiti kohi hoka oongundu tadhi ka kwatelwamo metsokumwe.

O DA oyati oyina omukumo okuyakula uukwatya wankene epangelo lyuukumwe tali ka longa moshigongi shayo oshitiyali no ANC.