Ya thika po 50 otaya tamanekwa nena mo DRC omolwa onkambadhala yokuumba epangelo koshipundi

Aantu ya thika 50 mwa kwatelwa aa America ya yooloka nena otaya tamanekwa mo DRC,mushoka etanga lyopakwiita lyati onkambadhala yokuumbako epangelo koshipundi.

Epulakeno otali ningilwa mompangu yopakwiita meni lyodholongo ya Ndolo moshilandopangelo.

Aalumentu ya homata oya ponokele egumbo lyominista yeliko Vital Kamerhe oowili dhongula yosondaaha yo 19 May,omnaga inaayaya pooha no Palais de La nation,moka muna oombelewa dhomupresitend Felix Tshiskedi.

Etanga lyopakwiita lwanima tali tseyitha ko TV yopashigwana kutya olya keelela onkambadhala yokuumbako epangelo koshipundi.

Onkambadhala yokuumba epangelo koshipundi oya kwatelwa komeho ku Christian Malanga ,omu Congo ena uukwashigwana gwa America,ngoka a dhipagwa kaakwiita yepangelo,shiikwatelela komupopiliko gwetanga lyopakwiita Gen Sylvain Ekenge.

Ekenge ,shiikwatelela konzonkundana yo AFP tati  aaponokeli oyena uukwashigwana wa yooloka,noya thika -0 40 oya mangwapo,omanga yane,mwa kwatelwa Malanga nokamonamati ya dhipagwa.