Iilonga yetungo lyokapale komaudhano mOndangwa ya tameke

Minista yomaudhano Agnes Tjongarero okwati okapale komaudhano hoka taka tungwa mondoolopa yaNdangwa itaka kala ashike okapale komaudhano, ashike otapu kala tapu ningilwa iinyangadhalwa yomaudhano ya yooloka.

Okwa popi ndhoka pethimbo lyetamekitho lyiilonga etitano mOndangwa.

Ta popi kutya otaka ka longithwa woo kaakwashigwana ayehe noka mangulukila kehe gumwe.

Tjongarero ta kunkilile Oshigwana shi kwashilipaleke kutya okapale haka oka kalekwapo no inaka hanagulwapo.

Okwati etungo lyokapale haka olili muuwanawa woshigwana, nota ka etapo oompito dhiilonga unene kwaamboka taya ka pewa oompito dhiilonga.

Ta gwedhapo kutya otamu kala tamu dhanenwa uudhano wopamithika dha yooloka, nota ka gwana aantu ya konda 7000.