Ovakwaita vetanga leameno la DRC vapewa ehandukilo lefyo.

Ovakwaita vetanga le ameno veli 25  ovo va kala tava ta manekwa oku fadukapo olwoodi la li pokati kavo no ngudu ye rebels do M23 mo Democratic Republic of Congo, ova pewa ehandukilo lefyo onghela mo mangu yoshilongo osho.

Shelikwatelela kovanaveta veli lepo ovakwaita ovati omuvalu aushe kumwe wo vatamanekwa vefike po 31 mwa kwa telwa ovakwaita veli 27 oshoyo ovakwashiwana 4 veli ovakulukadi vo vakwaita ova holoka onghela komesho yo mangu yo pakwaita ya Butembo, ta ihangwa  mo shiotopolwa sha  North Kivu.

Jules Muvweko, eli umwe womo vanaveta va ka lelapo ovatamanekwa, ta lombwele oshikundaneki sho AFP kutya,  Ovatamanekwa ova kala va taa lela omatamaneko ayooloka omo mwa kwa telwa okuya onapo ovakondjifi vavo, oku livaka monele  malwoodi, oku ya pomunghulo omilanduveta de tanga leameno oshoyo oumbudi.

Okwati eshi epwilikino loibofa yavo yeya pexulilo onghela,  ovakwaita vefike po 25  omo mwa kwatelwa ee captains davo dili 2 , ova monika ondjo noku pewa ehandukilo lefyo,  ashike omunaveta okwati natango ota va shununamo etokolo opo li talululwe vali.