Donald Trump  aninga omupresident wa America omu  47th.

Donald Trump  onghela okwaanifwa onga omupresident wa  America omu  47th.

President Trump,  okwa talika eli luxupe moiningwanima yayooloka  oyo akala ataalela ngaashi omatamaneko omangu,  oshoyo eenghendabala domadipao odo ali ashonokelwa pefimbo loikonga yomahoololo yali metifa omudo wadileko.

Eelopota odati konima ashike yokwaanifwa onga omupresident otakulopotwa aashiivifa omafaneko oo taka tula moilonga koshi yewiliko laye.

Tapopifa ovayambididi vaye Trump,  okwa udaneka oku eta elunduluko liliwetikile xwepo  koshilongo.

Okwati ota katula moilonga ouwa wova America oo tauka tulififa oshilongo panghatu ili nawa noku kwashilipaleka kutya oshilongo America,  osha fimanekwa keshe pamwe mounyuni.

Mokati komafaneko oo atulapo aka kale atulwa moilonga meni lefimbo lixupi ongaashi  oku tulapo oprograma aayo tai kongomo aveshe ovo veli moshilongo osho veheli pamango noku vashunifa koilongo yavo, oku xulifapo eyandjo loufemba waaavo vadalelwa moshilongo osho, etulomoilonga leyopombada loku fula omahooli moshilongo oshoyo oku ndjekapo oifutifa yoishoshela yokongulu yanuninwa oshilongo  Canada, Mexico na China.

Omolwo onghalo youtalala pefimbo eli mo USA,  oshivilo shenangeko lomupresident Trump,  okwali shaningilwa monele yetungo lo Capitol Rotunda, shatalika tashiningwa oshikando shotete modjokonona yoshilongo osho konima yomido 40 dalupuka.

Photo :Contributed