America a tulilemo ominista ya Rwanda oondjindikila

America ohela okwa tulilemo oondjindikila ominista yepangelo lya Rwanda, omolwa onkandangala ye miikolokosha poshiindalongo Congo ,moka oorebel tadhi yambidhidhwa ku Rwanda tadhi kondjitha aakwiita yepangelo lya Congo,noku kwatako iikandjo oyindji,mwa kwatelwa iilando iyali ya simana.
Opamwe nominista ya Rwanda yembwango mumwe lyopashitopolwa,James Kabarere,America okwa tulilemo wo oondjindikila omupopiliko gongundu yuurebel yo M23 Lawrence Kanyuka Kingston.
Omahangano gaali giimanga ku Kanyuka ,noga shangithwa mo Britain nomo France, nago oga tulilwamo oondjindikila.
America tiindiile aaleli ya Rwanda ya hulithepo eyambidhidho lyawo koorebel dho M23,noku kuthamo aakwiita ayehe ya Rwanda mo DRC.
Aanongo yiigwana ya hangana oyati mo DRC omuna aakwiita ya Rwanda yeli 4000.
Okuza petameko lyiiponokela yoorebel mo Goma mo 26 January,aantu ya konda 700 oya dhipagwa ,noya thika 3 000 oyeehamekelwa moshilando nopomudhingoloko,shiikwatelela kaanambelewa.