Oshitopolwa Oshikoto sha lopota eso limwe lyo Malaria niipotha iipe yili 41

Oshikondo shuuhaku moshitopolwa Oshikoto oshiwike sha piti osha lopota eso limwe liimanga ko Malaria niipotha iipe yo Malaria yili 41.
Shika osheetitha omwaalu gomaso giimanga ko Malaria pu 8 okuza sho omukithi gwa tukuka mu November 2024,niipotha 602 ya kolekwa.
Omukuluntu goshikondo shuuhaku Joshua Nghipangelwa ohela okwati iipotha 90 oya ziilila ko Angola,omanga 512 yomoshitopolwa.
Etukuko olya guma iikandjo itatu moshitopolwa,Omuthiya,Onandjokwe,na Tsumeb.
Nghipangelwa tati oshikondo otashi ningi oonkambadhala oku kondjitha o Malaria,mwa kwatela iigongi naanipambuliko niikonga nongelo.