Omunhu umwe amonika omukifi wo cholera moshitopolwa sha Kunene

Ouministry wonghalo nawa no udjolowele owa koleka omunhu umwe aningwa oshihakanwa shomukifi wo cholera moshitopolwa sha Kunene.

Nakuningwa oshihakanwa okuli omukainhu womido dili  55,  oo eli omunaudu ali eya oku konga ekwafo louhaku koshipangelo sha Opuwo konima eshi ahovela no madidiliko oshimela shomeva oule womafiku eli 2.

Olopota oyati omukainhu okwali akufwa omakonaakono onyata, noidjemo oyo yapita omandaxa oya koleka kutya okuna oudu womukifi wo cholera.

Olopota oyati omunaudu okwa pewa uhaku notaulike eli monghalo tayeetifa eenghono paife.

Ouminsitry tau yandje ouyelele koshiwana kutya, omunaudu kena ondjokonona yoku kala ali aya molweendo lonumba pondje yoshilongo ile oku kala no makwatafano novanhu vadja pondje yoshilongo.

Olopota youminsitry oya ulika yoo kutya,  omakonaakono oo aningwapo okwa ulika yoo kutya nakuningwa oshihakanwa natango ina didilikwa kwali eli mo mangudumano ovanhu ile moyoongalele yonumba.