Noa atwa omukumo oshiwana shikufe ombinga mooyoongalele yanuninwa omafaneko taa tulilwapo o commisi moule womido 5 dili komesho

Omunambelewa omukulunhu elilepo ocommissi yoku kondjifa oulingilingi moshilongo ACC , Paulus Noa, okwa pula oshiwana shikufe ombinga moyoongalele yeenghundafana oyo taika ningilwa moitopolwa ya yooloka opo shikwafele ocommisi okweetapo  omafaneko mape anuninwa omido 5 dili komesho.

 Noa edi okwali tedi popile ko  Otjiwarongo omandaxa pefimbo leyeululo loshongalele shoule wefiku limwe, osho shali sha kufwa ombinga kovanambelewa va yooloka vopombada moikondo yepangelo, ovaxwaxwameki voshiwana, ovawiliki veengeleka, ovaleli vomiyuululwakalo oshoyo ee councillor domalelo oitopolwa no paikandjo.

Noa metumwalaka laye okwa pula ovakufimbinga vadimbuluke alushe kutya ekelelo loulingilingi tashipitile moku lopota oinyangadalwa keshe yo kuhena ouyuuki, oo omukalo dingi moku kwatelapo eedjo dopashiwana.

 Okwa popya yoo kutya oku popya kombinga yo corruption, konima eshi ya didilikwa nale oha shikala shidjuu tati luhapu eedjo ohadikala dalongifwa nale no ha shikala yoo shidjuu oku monununa eedjo odo dakana.

Okwati omukalo ouli yoo hawu etitifa ocommissi ilongife eedjo dihapu tashiningwa oku pitila meenghendabala domakonaakono.

Noa okwati oikondo yoshilongo, oya pumbwa oku tula moilonga omilandu odo tadi kelele elongifo loulingililingi ponele yoku kala yateelela ACC oye elidopemo.