Ukraine okwa zimine ethaneko lya America oku egeka iilwitho uule womasiku 30 na Russia

Ukraine okwa zimine ethaneko lya America oku egeka iilwitho uule womasiku 30 na Russia pevi,mefuta nomewangandjo,sha landula oonkundathana naanambelewa ya America mo Saudi Arabia.

Onzonkundana yo Africa news oya lopota kutya amushanga gwepangelo lya America Marco Rubio okwati oshili ngaashingeyi momake ga Russia sho Washington a fala ethaneko ku Moscow.

Aanambelewa ya Ukraine mo Saudi Arabia oyati oonkundathana dhopamuthika gopombanda dhinasha nombili na America metiyali odhuulike kutya Kyiv okwa pyakudhukilwa ombili.

Omukuluntu gosheendo sha Ukraine Andriy Yermak okwati oyuulikila uuyuni kutya oya hala ombili,oya pyakudhukilwa ombili,ombili tayi kalalelele.

Sha landula oonkundathana ,epangelo lyomupresitend gwa America Donald Trump olya kuthapo oondjindikila dhalyo dhomakwatho gopakwiita ku Ukraine.

Trump ohela tati okwa egulukila oku hiya Zelensky ko White House sha landula sho kwali yiinipile oonyala moshigongi shawo shahugunina mo Oval Office.

Russia okwa ponokele Ukraine oomvula ndatu dha piti,nongaashingei oha kondololola oshititano shiikandjo ya Ukraine.