Ehangano lyo ECB otaliindiile oshigwana shi yande oku longitha aanilonga yolusheno mboka inaaya shangithwa oku yanda iiponga

Omukuluntu gwehangano lyo Electricity Control Board Robert Kahimise okwiindiile oshigwana shi yande oku longitha aanilonga yolusheno mboka inaaya shangithwa oku yanda iiponga iidhipagi.
Kahimise okwa ningi eindilo momutumba gwiikundaneki ohela kOndangwa,hoka ati oku kala nowino yolusheno itashiti omuntu okwa dheuka oku tulamo omalusheno.
Elondodho olyeya sho ehangano lyo Electricity Supply Industry lya holola kutya iiponga 17 yolusheno oya dhidhilikwa,nomaso geli gahetatu muule woomvula ne dha piti.
tati iiponga iheyali yeetitha omaso geli gatano oya holoka momudhingoloko gwiilonga yo NORED.
Oku yamukula,Kahimise okwati o ECB oyuulike omunongo moshikondo iithikamenapo oku konakona iiningwanima ya yooloka,mwa kwatelwa mbyoka ya kwatelamo aanilonga yo Nored.