Omutotiveta gwa Senegal okwa thaneke opo omupresitend omukulu Macky Sall a tulilwemo oshipotha shoku kengelela epangelo

Onzonkundana yo Africa News oya lopota kutya etokolo olya landula sho pwa hololwa uuyelele okuza ko Court of Auditors womaihumbato gaali mondjila omanene gopashimaliwa pethimbo kwali omupresitend pokati ko 2019-2023.
Olopota oya holola omikanda dha fundjelekwa,uufuthi wiimaliwa,noku iyambapaleka.
Omanga ominista yongaashingeyi yuuyuki Ousmane Diagne a koleke kutya iimbuluma ashike yopashimaliwa oyo tayi konakonwa ngaashingeyi,na ina kuthamo iipotha yonakuyiwa yoku kengelela epangelo ,ngele uumbangi wa gwana wa holoka.
Kohi yekotampango lya Senegal,omupresitend omukulu ota vulu ashike oku tamanekelwa oku kengelela epangelo ,shoka sha pumbwa shi ziminwe kopaalamende,noku tamanekelwa mo High court of Justice.
Ethaneko ndika olyeendulula omaindilo ga tetekele okuza komahangano goshigwana noongundu dhoompilameno,dhoka dha kala noku indila uundikwetikile.
Nongele osha ziminwa kegumbo lyopashigwana,nene otashi ka etitha oshipotha shopaveta mondjokonona yuudemokoli wa Senegal.