O budget ya pewa uuministeli weyambulepo lyokomikunda noondoolopa inayi gwana-Venaani

Omupresitend gongundu yo PDM Mchenry okwati Veenani oshimaliwa sha pewa uuministeli womagumbo,eyambulepo lyokuushayi noondoolopa otashi etitha eikwatopomutima.

Mekuthombinga lye moompata dho budget mopaalamende,Veeenani okwati omanga ominista yemona Ericah Shafudah a talako kutya omagumbo neyambulepo lyomalukanda oyili iilalakanenwa yomapungulo oku patulula oompito dhopaliko noku kwashilipaleka egandjo lyomayakaulo gopankalathano,oshimaliwa sha gandjwa inashi gwana.

Uuministeli weyambulepo lyokomikunda noondoolopa owa peewa oodola oobilion 2.7 okuza mo budget yopashigwana yomumvo 2025-2026,omanga o Midterm Expenditure framework ya mono oodola oobilion 8.5.

Veenani tati  ompumbwe yomagumbo oya thikama pomagumbo ga konda 300 000,naa Namibia ya konda 900 000 onkee haya kala momalukanda,yaahena omayakulo gopetameko.