Oshimaliwa sha pewa elongo lyopetameko elela momumvo shimaliwa go 2025-2026 inashi gwana-Kaaronda

Omupresitend gongundu yo South west Africa national Union- SWANU -Evalistus Kaaronda okwati oshimaliwa sha pewa elongo lyopetameko elela momumvo shimaliwa go 2025-2026 inashi gwana.
Oshikondo shelongo,shoka sha kwatelamo elongo lyopetameko lyo early childhood developement osha pewa oodola oobilion 24.8.
Uuministeli auhe welongo lyopombanda,lyopevi,aagundjuka,nomaudhano owa pewa oodola oobilion 76.1 uule woomvula ndatu dho Medium term expenditure framework.
Momapangelo ga tetekele,eyambulepo lyokanona olyali kohi yuuministeli wuuthikepamwe wuukashikekokantu,ashike mepangelo lyomupresitend Netumbo Nandi Ndaitwah olili muuministeli welongo,aagundjuka,nomaudhano.
Kaaronda mopaalamedne oshiwike sha piti okwa lombwele ominista yelongo Sanet Steenkamp kutya inya nyanyukilwa oo % dha pewa elongo neyambulepo lyokanona.
Na Kaaronda ina holola kutya elongo lyopetameko neyambulepo lyokanona olya pewa shi thike peni.
Kaaronda ta thaneke opo elongo neyambulepo lyokanona li kale noku pewa oshipambu sha kola,peha lyoku futa ashike aalongiskola yiifundja oshowo aanilonga yepangelo yaaheshi yoshili.