Emma Theofelus akumaida oshiwana shitwike omiti

Minister womauyelele no makwatafano opautechnolgy Emma Theofelus,   okwa pula oshiwana shikwatwe komepo yoku kuna omiti momwedi outuli wa May,  osho shili edidiliko loku dimbuluka omukokoli woshilongo akanangala Dr. Sam Nujoma.

Minister edi okwe dipopya pefimbo ali awaimina oshikefa sho Sam Nujoma meenghendabala doku xwaxwameka oshinyangadalwa shoku twika omiti.

Eingido la Minister oleya pefimbo oshilongo tashi dimbuluka noku tyapula edalo lomukokoli Nujoma,  olo hali dimbulukiwa alushe mo 12 May.

Theofelus tapopi kutya nakufya omukokoli   President,  okwali ehole oku twika omiti nokwa kala ena omafaneko oku kaleka oshilongo sha wapala moku shitwika omiti odo tadi kalekepo oushitwe woshiwana shokomongula.

Theofelus ta kumaida no kutwa omukumo ovanangeshefa oshoyo ovo vena oiholelwa iwa moshiwana va kwafela moku yambidida etwiko lomiti ngaashi peefikola oshoyo moshiwana.