Oonakulwavakulu ovo va kalela ombelewa yakula yoSwapo, vaulika eudo nayi lavo eshi ina vashiivwa penangeko lombelewa

Oilyo yehangano leenauki odo dali daalukila moshilongo pefimbo oshilongo shamonene emanguluko mo 1989 oya ulika enyemato layo eshi ina yuufanwa kenangeko lombelewa yakula yongudu yo Swapo mexuliloshivike.

Oilyo oyoyo ili oonakulwa vakulu ovo vadika eenanda davo poshivelo sheembonge dakula dongudu yo Swapo tava pula opo ongudu yo Swapo ivape enyamukulo kombinga yoimaliwa yavo oyo vali vapewa koiwana yahangana pefimbo lokwaalukila moshilongo.

Ota ku lopotwa peembelewa dongudu yo Swapo vakalapo okudja mu  October 2025.

Tapopi nodjonghundana yo Future media,   oo eli omunashipundi wehangano lo Repatriated Refugees Association, Matheus Nangolo, okwati nonande etungo lipe olo latungwa ola nuninwa ovanhu aveshe ova ulika oku haudila ombili kwavo eshi ina vashiivwa vakufe ombinga menangeko lombelewa yakula yongudu osho shaningwa mexuliloshivike.

Nangolo okwati nonande vakala vakalela etungo olo oule weehani paife, ina vayakula nande eshiivo opo va ka kale menangeko lombelewa ipe oshondaxa.

Okwati vahapu vomo valeli vongudu yo Swapo mwakwatelwa hamushanga wongudu meme Sophia Shaningwa ova pitila pomuvelo opo vadika omalukalwa avo, ndee kapena oo evakumbulula ile evapesha shokulya.