President Netumbo Nandi-Ndaitwah okwati oshiindingili sho maongo oshafimana oku kalekapo omifyuululwakalo

President Netumbo Nandi-Ndaitwah okwati oshindingili sho maongo sho komudo oshili edidiliko lomepo yovakwamungu oku kalekapo noku nghonopaleka oshiwana.

Nandi-Ndaitwah edi okwe dipopya olomakaya poshiindingili shongongola osho shali sha unganekelwa konele youhamba moshitunda shOukwanyama momukunda Omhedi moshitopolwa sha Ohangwana.

Shelikwatelela komupresident Nandi-Ndaitwah, okwati oshitufi sho maongo oshili omito yoku ulika noku fimaneka eenghulunghedi ngaashi oku topolelafana omahokololo osho tati oshili ongushu ya fimana yo ku kalekapo eenghulunghendi  koshiwana sho komongula.

Tahokolola nghene oshitufi sho maongo natango hashi pale ondjila yo kweeta  oukumwe, elongelokumwe nefimaneko mokati koshiwana.

Okwa pula oshiwana shikalekepo omifyuulululwakalo nee nghulunghedi osho shakwatelamo oku popya omalaka omadalelwamo, ounghulungu opo ouyamba womifyuululwakalo upule komesho.

Nandi-Ndaitwah, teshiyelifa yoo nghene omifyuululwakalo, oukumwe, efimaneko ne longelokumwe hali dulu oku potokonona omashongo ataalela oshiwana noku kwafa  omapupi taekeya.

Okwati oshiindingili sho maongo oshina omutyo washo welikalekelwa waasho tati,  ouli oshilimbo shehafo nehanganifo lombili.

Netumbo Nandi Ndaitwa,  okwa longifa yoo omito oku pupula kombuda oo meme ovo vali vaeta oitoo yo ngongola  oshoyo oikunwa ikwao yo shiwambo ngaashi  ombike, omalodu oshoyo oshikundu.