Ovakwaita vetanga loshilongo Burkina Faso vadipaelwa moshiponokela

Oshiponokela shaningilwa okamba yova kwaita monooli yoshilongo Burkina Faso okwa lopotwa shafiya sha twaalela eemwenyo dovakwaita vahapu oshoyo ovakwashiwana moumbuwanhu woshilongo osho.

Eelopota doikundaneki odati oshiponokela osha ningilwa okamba oyo taihangwa moshitopolwa sha Djibo, sha holoka mosondaxa konguloshi, sha kwatelamo yoo oshitaashi shopolice oshoyo omatala omashingifilo.

Okamba oyo taihangwa momudingonoko wa Djibo,  oya didilikwa ya kala noku ningilwa oiponokela lwoikando ihapu monakudiwa osho sha kwatelamo oshiponokela  sha holokele mu October 2022,  pefimbo ovakwaita vetanga leameno loshilongo vali 10 vaxulifile omanga 50 vali vafiwa vaehamekwa.

Nande ongaho moshiponokela shokuyele kapena natango ongudu oyo yeleeta poluhaela taipopi kutya oyo ili konima yoshiponokela, ashike omudingonoko oo taku lopotwa ta u hangwa popepi nonele yadidilikwa haikala oilyo yongudu yo  Al Qaeda.

Oshilongo Burkina Faso, oshili mepangelo la   Ibrahim Traore,  oo akufileko eenghono doku kwatela komesho oshilongo netanga lopakwaita mo 2022, oo ayandja eudaneko koshiwana oku xulifapo oilyo yo vatwondubo nepangelo oyo yadidilikwa yaduva.

Nande ongaho epangelo loshilongo okwa lopotwa ina li tyakosha natango koshiponokela.