Epangelo lya Namibia,o Namwater no German Development Bank oya shaina etsokumwe lyoodola oobilion dha Namibia 1,5 dhomukuli gomeya oku yambidhidha oshiluku shotango sho Namibia Water Sector Support Program

Moonkambadhala oonene oku pungula momakwatathano gomeya,epangelo lya Namibia,o Namwater no German Development Bank oya shaina etsokumwe lyoodola oobilion dha Namibia 1,5 dhomukuli gomeya oku yambidhidha oshiluku shotango sho Namibia Water Sector Support Program.

Ompangela ya shainwa kominista yemona Ericah Shafudah,omukuluntu go Namwater Abraham Nehemia naakalelipo yo KfW montaneho yomukalelipo shilongo gwa Germany mo Namibia Thorsten Hutter ,otali ka yambidhidha omanawapaleko omanene gomakwatathano gomeya goshilongo,unene miitopolwa yokonooli ndingandinga oshowo iitopolwa yomonooli uutokelo.

Opololeka oya kwatelamo okutunga omunino go Omundaungilo-Omutsegonime Bulk Pipeline Scheme,gwa siikila ominino dhoo Km 130,okutunga oobola,oompunguilo dhomeya nomandiki goku dhinda omeya.

Nopololeka otayi gandja uuwanawa kaantu 27 000 moshitopolwa Ohangwena na Oshikoto.

Oshowo etanununemo lyomunino gwa Oshakati-Omutsegonime pipeline corridor oshiluku shotango noshitiyali,

Okutula omandiki goku thinda omeya kiitopolwa yomuushayi.

Nokutula pashinanena omakwatathano oku shonopeka ekanitho lyomeya,

Opololeka otayi kwata uule woomvula ntano.

Minister Shafudah okwa dhenge omuthindo ongushu yomukuli oku gwedha koshimaliwa shoka shilipo,noku kondjitha oompumbwe dhomeya.

Ambassador Hutter okwa tumbeleke oonkambadhala dha Namibia tadhi kalapo koompumbwe dhomeya.

Omukuluntu wiliki go Namwater Abraham Nehemia okwiithana opololeka onga epungulo enene oku thitika oomwaka dhompito yoku mona omeya.