Eenghundafana pokati ka DRC nee M23 rebels oda yuka kouwa mo Qatar

Eenghundafana dombili pokati koshilongo Democratic Republic of the Congo (DRC) no ngudu   M23 rebels, tadi yambididwa koshilongo Rwanda oda talika dayuka kouwa.

Oshikundaneki sho AFP, osha lopota kutya natango eenghundafana onghee tadi pula komesho ta diningilwa mo Qatar.

Ovanambelewa voshilongo Congo opamwe no vanambelewa vee rebels do M23,  oveli tava longele kumwe no vanambelewa va Qatar, onga ova hangakununi oku tala meenghendabala doku kufapo omashongo eli pokati kepangelo no ngudu yee rebels.

Oikundaneki oya lopota oshivike sha djako kutya, ongudu yee rebel do M23 oyali ya pula opo ku hovelwe neenghundafana odo tadi lalakanene okweeta ombili, shalandula eshi kwali kwa ningwa eenghundafana noku tula moilonga omilandu udafano twokumwe odo daningilwe omwedi wadjako mewiliko lo shilongo US, dali da unganekelwa mo Washington pokati ka Rwana na DRC.

Olopota oyati eenghundafana do paife ota di tale koku tulapo ombili omolwo oita no makuyunguto oo atwaalela eemwenyo do vanhu omayovi no mafele , noku fininika oshiwana shiye onapo omolwo oku hena eameno moushilo wa DRC.