Rwanda okwati ita yambidhidha oorebel dho M23

Rwanda ohela  okwa  tindi omalundilo giigwana ya hangana kutya aakwiita ye oya kutha ombinga opamwe noorebel oku dhipaga aakwashigwana omathele muutokelo wa Congo.

Tayi endulula uuyelele wotango,ombelewa yo  High Commissioner for Human Rights (OHCHR) oyati oorebeld dho  M23 odha dhipaga aakwashigwana ya thika 319 miiponokela ya yooloka momikunda dhili ne mo North Kivu mu July.

Tayiti omadhipago oga ningwa moofalama moshikandjo Rutshuru pokati ko 9 no 21 July.

Ehangano taliti oorebel odha yambidhidhwa kaakwiita ya Rwanda.

Momushangwa kuuministeli wiikwapondje ohela,Kigali okwa tindi omalundilo ngoka.

Ta gandja ombedhi kehangano lyuuthemba womuntu miigwana ya hangana okukala lyaahena uumbangi okudhina oonkambadhala oku hulithapo iikolokosha muutokelo wa Congo.

Mu July,Congo noorebel dho M23 oya shaina iipumbiwa yetsokumwe konima yiiwike yiigongi mo Doha,taya itulamo moku hulithapo iikolokosha.Ashike iikolokosha oya tssikile.

Oolopota odhindji dhiigwana ya hangana odhati Rwanda okwa tuma aakwiita omayovi,niilwitho nenga omakwatho koorebel dho M23.

Kigali shoka okweshi tindi.

Iikolokosha tayi tsikile otayi vulu okutula moshiponga oonkambadhala dha Congo noorebel ya shaine ompangela yombili tayi kalelele mo 18 omwedhi nguka,shiikwatelela ko Africa news.

iipumbiwa yompangela okugamena aakwashigwana oshowo mboka ya tulululwa ya galuke ya gamenwa.