Omupresitend omukulu gwa DRC Joseph Kabila okwa kondema oshipotha shoku kengelela epangelo shoka a taalela,tati osha kwatakanithwa kopolitika,nelalakano lyoku mweneka oompilameno

Kabila okwa yamukula sho aatamaneki yopakwiita oshiwike sha piti kwali taya pula yemupe egeelo lyeso,opamwe negeelo lyondjedhililo omolwa iimbuluma yiita noku longela kumwe.

Momushangwa gopambaapila,Kabila okwati etamaneko kaliansha nuuyuki,ta gandja ombedhi komupresident Felix Tshisekedhi yokwaahalonga nuuyuki noku ndopa oku kutha oshinakugwanithwa  komashongo ga taalela epangelo lye.

O africa news oya lopota kutya Kabila,ngoka a hulithapo uupongekwa we mu April,okwiithana wo oonkundathana dhopashigwana nedhiminathanepo,ta londodha kutya omatamaneko taga hogolola otaga hwahwameke ashike omatopoko.

Kabila ota tamanekelwa mo High Military Court muukwahepo,ta pewa ombedhi oku yambidhidha oorebel tadhi yambidhidhwa ku Rwanda,o M23,noku pangela okuumbako epangelo koshipundi,iipotha mbyoka a tindi,tati oyopapolitika.