Eemangela dokweeta ombili pokati ka DRC na Rwanda daponya

Emangela dokutulapo omukanda udafano twokumwe pokati ka Rwanda Democratic Republic of Congo (DRC) oda kalekwa vali,  omolwo omaupyakadi oku hanga ekandulepo lomukundu moshinima adidilikwa.

Elopota oda ulika kutya, eudafano twokumwe ina lidula vali oku hangika omolwo oupyakadi wopaliko oo wadidilikwapo.

Oshikundaneki sho SABC osha lopota kutya, eenghundafana  oda ulika nghene eudafano twokumwe lali tali dulu okweeta elineekelo liwa oku etapo noku patukununa omapungulo pokati koiyolongo yo pavali,  oku shitalela  mouwa woipindi noku eta pexulilo omakuyunguto akala noku didilikwa moushilo wa DRC.

Eyomoshipala lo ku hanga eudafano twokumwe ola talika yoo la etififwa kelombwelo lomangu yopakwaita ya Congo,  oyo ya yandja elombwelo kutya oo ali nale omupresident woshilongo Joseph Kabila,  okwa pewa ehandukilo lefyo nonande momangu kalimo, molwaasho amonika ondjo moku yambidida ongudu yee rebels do M23.

Kabila, oo ali akwatela komesho oshilongo DRC, oule womido dili 18 ina kala amonikamo moshiwana oule weehani da djako, noinakushiivika kutya okulipeni.