Oonkundathana dhopaitopolwa dhuuministeli wiipambele yopashigwana niipindi,noshigwana shoongeshefa otadhi tsikile

Uuministeli wiipambele yopashigwana niipindi, palongelokumwe nuuministeli woomina niikwankondo ongula otau fala  oonkundathana dhoshigwana shoongeshefa okweenditha ekuthimbinga lya Namibia momalandithilo gopashigwana go African Continental Free trade area kOshakati.

Omanga metine oonkundathana tadhi falwa kEenhana moshitopolwa Ohangwena.

Iigongi oyili   ompito ya simana yoonkundathana dhuukilila pokati kaanambelewa yepangelo noyoshikondo shopaumwene,mwa kwatelwa oongeshefa oonshona nodhopokati,tadhi lalakanene oku yela euveko,oku tothamo oongeshefa dhoka dha pyakudhukwa oku tuma iiilongomwa pondje yoshilongo ,noku thikitha pamwe omilandu oku yambidhidha ekuthombinga lya Namibia momalandithilo go African Continental.

Oonkundathana dhopaitopolwa otadhi holola eitulemo lyuuministeli oku nkondopeka elongelokumwe lyoshikondo shopaumwene noshepangelo ,noku shilipaleka kutya oongeshefa dha Namibia odha pyakudhukwa oku longitha oompito tadhi gandjwa ko African Continental Free Trade Area.

Noku pitila moonkundathana dhika,uuministeli otau lalakanene oku konga uuyelele wa simana,oku yamukula omashongo ngoka gelipo,noku yela eyambulepo lyomikalo dhiipindi tadhi kalapo moshilongo.