Ominister yuuhaku Dr Esperance Luvindao okwiindiile eyamukulo lyopashigwana lyopamuhanga ketakamitho lyokankela

Ominister yuuhaku Dr Esperance Luvindao okwiindiile eyamukulo lyopashigwana lyopamuhanga ketakamitho lyokankela,ta londodha kutya uuyelele waaheli mondjila ,ompumbwe yaanongo ya pyokoka nekateko oku monika omukithi otayi tsikile oku faalela oomwenyo.

Ta popi poshiindingili shenongelo lyokankela mo Windhoek metiyali,minister okwati ekeelelo lyokankela noku monikilapo kuyele onkee ya simana moku shonopeka omaso.

Minister ta holola omaipulo kaantu inaaya hala oku tuntilwa,unene otuntila yo HPV,shoka a kwatakanitha kuuyelele waali mondjila, mboka tawu taandelekwa oku pitila komalungula.

Minister ta holola wo ompumbwe yaanongo yetakamitho lyokankela inaaya gwana.

Minister ta holola wo kutya uuministeli otawu ningi oshilalakanenwa oku fala omayakulo goku panga okankela koshipangelo sha Oshakati,onga oshitopolwa shoonkambadhala oonene okufala etakamitho lyokankela pooha noshigwana noku shonopeka ethimbo lyoku tegelela.

Minister teendulula eitulemo lyuuministeli oku nawapaleka  omayakulo getakamitho lyokankela noonkaalo dhaanilonga yuuhaku.