Etukuko lyo Mpox no Congo Fever ogeya pehulilo

Ominista yuuhaku nonkalo nawa Dr Esperance Luvindao okwati Namibia okwa kondjitha noku eta pehulilo etukuko lyo Mpox no Crimean Congo Hemorrhagic fever ngoka ga lopotwa omumvo gwa piti.
Iipotha yo Mpox yili itatu oya lopotwa sho etukuko lyiigidhwa mu Kotoba 2025.
Aavu ayehe oyaaluka nokapena eso lya lopotwa.
Etukuko lyo Congo Fever lyiigidhwa mu November 2025 olyeetitha eso limwe,
Nomatukuko agehe oga kondololwa noku etwa pehulilo.
Nokapena iipotha iipe ya kolekwa.
Omupopiliko guuministeli wuuhaku Walters Kamaya okwati epondolo moku kondolola omatukuko olyaadhika okupitila meyamukulo lyeendelela lyuuhaku woshigwana.
Tati shiikwatelela ko WHO ,no Africa CDC etukuko otaliigidhwa lyeya pehulilo ngele kapena iipotha iipe ya lopotwa pethimbo lyontumba.
Tati omasiku 90 ga landulathana oga pitapo,inaapa lopotwa iipotha yasha iipe.
Na Namibia okwiigidha kutya omatukuko gomikithi dhopaali olya kondololwa.