O Iran Revolutionary Guards oya mbandameke tayi ponokele oo University dha America mo Middle east

O Iran Revolutionary Guard ohela oya mbandameke oku odheka oo University dha America mo Middle east ,sho ati iiponokela ya Israel oya hanagula oo University mbali dha Iran.

Iran tati ngele epangelo lya America olya hala oo University dhalyo moshitopolwa dhaaha ponokelwe ,nena nali kondeme iiponokela koo Universiy momushangwa gopambelewa okuthika nena mo 30 March potundi onti12h00 yomutenya methimbo lya Tehran.

Iran ta gwedhako kutya ota gandja elondodho kaanilonga ayehe,oo professor,naailongi koo University dha America moshitopolwa oshowo aakalimo momidhingoloko dhawo,ya kale oshinano sho Km 1 kokule niiputudhilo.

Onzonkundana yo AFP oya lopota kutya oo university dhontumba dha America odhiihanena moshitopolwa sho Gulf,ngaashi o Texas A&M University mo Qatar,no New Yolk University mo UAE.

Iiponokela yuusiku wetitano sigo olyomakaya oya dhenge mo Tehran,mwa kwatelwa ko University of Science and Technology monooli uutokelo woshilandopangelo ,noku yonagula omatungo,ashike kapena omaso ga lopotwa.