Omalelo ga Iran nena oga dhipaga aalumentu yaali sho geya mono ondjo oku kala iilyo yongundu yompilameno yiindikwa noku kambadhala okuumba epangelo koshipundi

O website yoompangulilo yo Mizan Online oyati konima yekoleko neziminino lyahugunina lyegeelo lyo Supreme Court,yaali oya mangelekwa ongula yonena.

Omadhipago ogeya sho Iran eli miita na America oshowo na Israel,sha landula iiponokela mo Iran mo 28 Febraury ,mbyoka ya tukulutha iita moshitopolwa.

Yaali ya dhipagwa okwali yiimanga ko Peoples Mujahedin of Iran,ndjoka ya kala muupongekwa okuza moomvula dho 1980s,noya talikako onga ongundu yuukulo ku Iran.

Onzonkundana yo AFP oyati inashi yela ngele  okwali ya mangwapo nenge ngele okwali yenamo ombinga momaholololo gongaashingeyi ,ashike o Mizan oyati oya kutha ombinga momakuyunguto noonkatu dhuukulo mondoolopa.