African Union adimbuluka efiku lomadipao anghinanghenda ali aningilwa oshiwana shova Tutsi moRwanda mo 1994

Ehangano lo African Union, ola dimbuluka ewanifo lomido  32nd domadipao anghinanghenda oo ali aningilwa oshiwana shomuhoko wova Tutsi moRwanda mo 1994 .

Oshindingili osho hashi ufanwa yoo nedina Kwibuka 32, oha shidimbulukifa ovakufimbinga kombinga yomadipao manyanyalifa ali aningilwa oshiwana moshilongo osho.

Ovaleli, ovanadiplomate oshoyo ooluxupe no shiwana ota kulopotwa vali vaongala peembelewa dakula dehangano lo African Union, olo talihangwa mo Addis Ababa ,no ku dimbuluka omuvalu wovanhu vali vedulife po 1 million, ovo vali vadipaelwa moiponokela yomadipao.

Olopota yoshikundaneki sho SABC oyati oo eli Commissioner wo AU koshikondo sho politika, ombili neameno Bankole Adeoye,  okwati edimbulukifo lefiku olili tali va dimbulukifa nghene shapumbiwa oku tulwepo eenghatu odo tadi kwashilipaleke kutya osho shaningilwe ina shi ningwa vali monakwiiwa noku kalekapo ouyuuki.

Lwopokati opo omukalelipo shilongo wo UN ko African Union,  Parfait Onanga-Anyanga, okwa ulika nghene ehangano lili la fikama moukumwe nehangano lo AU