Evilastus Kaaronda tapula ovo vaalukila moshilongo okudja ko Botswana vatulwe koshivalo shovakondjelimanguluko

Oshilyo shomutumba wopashiwna kokatekete kongudu yo Swanu, Evilastus Kaaronda, okwati ooluxupe momadipao anghinanghenda ovo vali vafadukapo okudja moshilongo no kuya koBotswana no paife ovaalukila mo Namibia, kavefi ovadjailonga  no vapumbwa okutulwa koshivalo shoonakulwa vekondjelomanguluko.

Kaaronda okwati onghalo oyo vapitilile muyo yomadiapo oo ali aningwa pokati ko  1904–1908,  ina vatalikako okudja pemanguluko loshilongo ta popi nghene vapumbwa oku kwatelwa meenghendabala doku pewa edu oshoyo omauwa eeemito dopaliko.

Edi Kaaronda okwe dipopya metitatu edi popila poshivilodimbuluko shaxuuninwa shoshilyo sheumbo lomutumba wopashiwana  James Uerikua, oo amana oweenda waye moshiponga shotuwa.

Okwati ngaashi naana osho sha shaningilwa ovakondjelimanguluko aveshe, osha pumbwa yoo okuningilwa  ovaNamibia ovo vafadukilepo oita okuya ko Botwana veshiningile pokati ko 1904 no 1908 omolwo omadipao a Germany.

Kaaronda  tayelifa kutya ovo vaile ko  Botswana kavena fiku vaninge ova kwashiwana va  Botswana, ndee oveli ovakwashiwana va  Namibia ovo vali vafininikwa konghalo idjuu oku djamo moshilongo no kwaalukila lwanima moshilongo.

Lwopokati opo oshilyo shongudu yo Nudo moparliament, Vetaruhe Kandorozu, okwati  nakufya Uerikua  okwa popile yoo kutya Namibia kena efano layela loku hanganifa oshikumungu shomadipao anghinanghenda, tapopi nghene omulandu uli wakuma oshiwana osho shaningwa oshihakanwa shidule oku tulwa koshivalo.

James, oo takutiwa omidi daye odo vaHerero ovo vadile ko Botswana, okwa kala omuyambididi akula womafaneko oku tula koshivalo ovaNamibia ovo vafadukilepo okuya ko Botwana.