Ewiliko loshitopolwa sha Khomas newiliko loshitopolwa sha Vojvodina moshilongo Serbia vatulapo eudafanotwokumwe loku longulula omeva ondama ya Goreangab

Ewiliko loshitopolwa sha  Khomas opamwe newiliko loshitopolwa sha  Vojvodina moshilongo Serbia okwa lopotwa atulapo omukanda udafanotwokumwe oo tauka kwafela moku longulula omeva onyata ondama ya  Goreangab no kwaa lundululilwa momukalo womeva okulongifwa.

Eudafanotwokumwe ota kulopotwa latulwa moilonga kwao eli omupresident woshilando  Vojvodina Maja Gojković, oshoyo omunashipundi welelo loshitopolwa sha Khomas  Stefanus Ndengu.

Olopota oya ulika kutya eudafanotwokumwe ola tulwapo meenghendabala dokunghonopaleka omakwatafano oilongo yopavali unene koshikondo shomeva.

Oo eli omukalelipo shilongo wa Serbia mo  Namibia, Rade Jimmy Boskovic, okwati ehovelo loilonga yo project ota lika hovela tete no mapekaapeko kombinga yomeva mondama omo, eshi pefimbo eli omeva oo eli mondama eheli pamufika wokulongifwa kovanhu.

 Boscovic teshiyelifa nghene pefimbo oproject taika kala ili moilonga taku ka longifwa omikalo dokuyandja omalongopukululo nomadeo koshiwana,  elalakano okwa mena noku kelela omakako oshoyo oku kwashilipaleka omukalo taukalele welongifo lomeva.

Okwati elalakano oku kala nomeva ayela okudja mondama  haadulu oku longifwa koshiwana unene tuu moilikolomwa oshoyo kovakalimo. Olopota oya ulika yoo kutya eudafano twokumwe latulwapo olili onghatu yotete yoilongo yopavali taitulapo ekwatafano lopamuhanga loulefimbo,  mouwa wokweeta elunduluko lomeva oshoyo ewiliko liwa linasha nomidingonoko mo Namibia.