Minister Veikko Nekundi, keuditile ombili omalihumbato ovashingi vomaloli

Minister woilonga no yeendifo, Veikko Nekundi, okwati ovashingi vahapu  vomaloli moshilongo oveli tavayi pominghulo eeveta dinasha neameno lomeendjila.

Minister Nekundi edi okwe dipopya konima ashike yomapekaapeko oshikonga shali sha ningilwa omakanghameno omahadelo ondjila ya Kongola, moshitopolwa sha  Zambezi, osho shaliko okudja osondaxa konguloshi fiyo omandaxa ongula.

Pefimbo loshikonga ota kulopotwa kwa didilikwa omikalo deyopominghulo lelongifo leendjila osho sha kwatelamo oku londeka shapitilila, elongifo nayi lomikanda do  special permits, oshoyo natango ovashingi vomaloli ita vapiti koivixa.

Minister okwa ulika eudo nayi laye moshinima tapopi nghene omikalo dili eyopominghulo leeveta deendjila moshilongo no kwa pula kukale kwa katukilwa onghatu keshe oo taka monika taende pominghulo noku pewa ehandukilo.

Pefimbo loshikonga osho twoo osho Nekundi, ota kulopotwa yoo ali akamhyauka keenopa domeva ngaashi ya  Kalimbeza  oshoyo ko Masikili moshitopolwa sha  Zambezi, eenopa odo takutiwa oda tungwapo kouminsity nelalakano loku kwatakanifa oshiwana pefimbo lomataulukilo omeva opo shidule oku kamona omayakulo ngaashi eefikola nouhaku.