Oshikondo shouhaku moshitopolwa Oshikoto shelipyakudukwa notunila yomukifi woPolio molweefo 3

Oshikondo shouhaku moshitopolwa sha Oshikoto, oshati pefimbo lolweefo olu 2 loshikonga shotunila womukifi wo polio mokati kounona veli koshi yomido 10, oshali sha tunilamo ounona vefike po   70 762 .
 
 Edi oda etwa poluhaela pefimbo loshongalele no va kufimbinga osho shali shaningilwa momudingonoko wa Omuthiya metivali.

Oshikundaneki sho Nampa osha lopota kutya pefimbo oshikonga shali shili metifa oshikondo shouhaku oshali shashoneka oku kala shatunila ounona vefike po   26 913,  ashike oshe kelihaluka sha tunila ounona vefike po   29 953.

Olopota oyati pefimbo loshikonga shotete shotunila shali metifa momwedi January,  ovali va tunila ounona vefike 28 577  oku shiyelekanifa nomuvalu wali watengenekwa utunilwe ufike po  26 913.

Omuvalu owa yandjwa kwao eli omukalelipo no mukwatakanifi mo district ya Omuthiya elilepo efiloshisho louhaku Petrus Hawene,  naadi okwe dipopya pefimbo tave lilongekidile olweefo olu 3 loshikonga shotunila yo mukifi wopolifi mokati kounona osho shafanekwa shika hovele moshivike twa taalela.

Oshikonga shotete osha hovelele mo 26 January 2026, no sha kalandulwa koshikonga oshi 2, osho sha hovelele mo 24 February, omanga oshikonga oshi 3 shoo kwafanekwa shika hovele mo 27 -30 April 2026.