Eongelo lo shimaliwa sho uvalelo wOshakati Totem Expo, waetapo oshimaliwa shifike N$843,000.

Ouvalelo wowina wanuninwa omaulikilo omapata mOshakati oo waliko olomakaya Oshakati Totem Expo 2026,  owa etapo eongelo loshimaliwa shifike pee N$843,000.

Eongelo loshimaliwa ola nuninwa eyambidido lo ku unganeka oshiindingili shomapata oshi 14th sho neudo.

Omukanda oo wapitifilwa oikundaneki okudja kelelo lo doropa yOshakati,  onghela owati oshiindingili oshali sha etelela ovakufimbinga va yooloka okudja moikondo yepangelo no yopaumwene,  ovanangeshefa oshoyo oshiwana elelakano oku yambididafana okweetapo oshimaliwa osho tashi kapumbiwa mo ku longifa  moinyangadalwa yomaulikilo omifyuululwakalo doshilongo oshoyo eyekomesho leliko.

Oshiindingili oshali sha yeululwa pambelewa kwao eli omupedu minister womayambulepo eedoropa no maushayi, Evelyn !Nawases-Taeyele,  ali eya oku kalelapo minister  James Sankwasa.

Metumwalaka la minsiter,  okwa popya nghene omaulikilo omapata Oshakati,  taa twikile no ku dana onghandangala yakula moku kalekapo no ku xwaxxwameka omifyuululwakalo, okweeta pamwe oshiwana oshoyo oku xwaxwameka eyokomesho leliko.

Poshindingili shouvalelo mayor welelo lodoropa yOshakati Leonard Hango,  okwati omaulikilo omapata okwa ulika eyokomesho liliwetikile osho sha kwatelamo enghonopaleko lovanyasha, omaulikilafano oinyangadalwa yo mifyuululwakalo oshoyo omayambulepo eengeshefa momudingonoko oku tumbulapo ashike imwepo, omanga natango eli omito yoku nghonopaleka odoropa ya Oshaktai onga endiki leemito deyokomesho.

Ombaanga yo Standard Bank Namibia oyo ya yandja omuvalu uli pombada waavo vaudaneka oku yambidida oshiindingili shomapata ya yandja oshimaliwa shifike N$70,000, omanga oikondo ikwao novakwashiwana oohandimwe oshoyo ovanangeshefa navo va yandja yoo omayambidido avo.

Ewiliko lodoropa yOshakati olatwa omukumo ovakufimbinga ovo vena ehalo natango oku vayambidida vakale veshinga,  molwaasho omito yeongelo loshimaliwa natango onghee ili ya yeuluka.

Omaulikilo  Oshakati Totem Expo 2026,   okwa fanekwa aka kaleko okudja mo  29 May fiyo  06 June 2026.