Trump audaneka taka eta ombili moilyolongo youshilo wopokati

Omupresident mupe opo ahoololwa mo America Donald Trump okwa udaneka taka eta ombili yaalushe konghalo yoita yadidilikwa moilyolongo youshilo wopokati.

Shelikwatelela koshikundaneki sho AP,  oshati  Trump pefimbo ali eli metifa loikonga yaye yomahoololo noikundaneki mu April neudo, okwali adaneka kutya ngee okwa hoololwa ota kaalula ombili noku loteka omadipao ovanhu moita yadidilikwa mo Gaza,  ashike okwati nande ongaho ita shikakala oshinima shipu okushininga.

Trump okwa teelelika aka kwatele komesho oshilongo sha US, pefimbo oilyolongo youshilo wopokati ili metifa lokuhena ombili.

Oshilongo Israel osha hovelele noita mo Gaza mo 07 October 2023,  shalandula eshi omatanga o Hamas ali aponokela noku dipaya ova Israel vefike 1200 oshoyo oku kwatapo ombabjona ovanhu 250,  ovo vamwe natango vaitavelwa kutya onghee veli mo Gaza.

Shelikwatelela kolopota yovanambelewa vouhaku va Gaza, oyati omatanga oshilongo Israel fiyo opapa okwa dipaya ovanhu vedulife po 43,000 ovo vahapu vomuvo vakwatelamo unene ounona novakulukadi.