China nena okwati otaka tula miilonga elongo lyopilima lyoshali,sho oshilongo oshitiyali shina omwaalu gwaantu oyendji muuyuni tashi kongo oku tanununamo ondjele yomavalo gaanona omolwa oshikele shomavalo geli pevi

Omwaalu gwaakwashigwana mo China ogwa gu pevi oomvula ndatu dha landulathana,niigwana ya hangana tayi tengeneke kutya omwaalu otashi vulika gu gwe pevi okuza poobilion 1.4 okuya paantu oomilion 800 mo 2100.

Mo China omwa valwa ashike aanona oomilion 9.54 omumvo gwa piti,etata  mwaalu gomo 2016,sho Beijing a hulithapo omulandu gwe gokanona kamwe ngoka gwa kala miilonga omimvo dha konda 30.

Omwaalu gwaakwashigwana ogwa gu pevi naantu oomilion 1.39 omumvo gwa piti,na China okwa kanitha oshishani shoshilongo shina aantu oyendji muuyuni ku India mo 2023.

Oondjokana nadho odha dhidhilika wo ondjele yili pevi,naaholathani oyendji aagundjuka itaaya mona aaanona, omolwa ondilo oku tekula aanona nomaipulo gomaithano .

Ohela o cabinet ka China ,oka tseyitha kutya oshikako sha landulako ofuto yetakamitho nelongo otali kuthwapo,kaanona mboka taayi kookinda dhepangelo .