Omutivali president Lucia Witbooi, apula oilongo ixulifepo oku tuma oilongomwa ina ipwa okulonga komanenedu akwao

Omutivali president Lucia Witbooi, okwa denga omufindo nghene shafimana ku Africa aefepo omukalo woku tuma mo malandifilo komanenedu aputuka  oilongomwa ina imanifwa oku longwa,  ndee elifikamenepo kuye mwene okulonga oilongomwa yaye.

Tapopi pefimbo lo shongalele sho Intra-African Trade Fair (IATF) osho tashiningilwa ko Algieria Witbooi,  okwati oshikondo sho malandifilo amanguluka oilyolongo ya Africa (AfCFTA) oshili osheendifo shakula mku findikila  omayakulo eyokomesho mokati koilyolongo no kwa pula opo omauwa  asho atulwe moilonga pauyadi mokweendelelifa omayakomesho oilyolongo.

Okwati Namibia, pahaulwaye naye okwa katuka onghatu yoku xulifapo etumo lo kawe ina kapushulwa koilyolongo yopondje,  osho tati okwa tulapo omukalo wo kuka pushula kuye mwene osho tati oshili mouwa wova Namibia.

Vice President Witbooi, tadenge omufindo  nghene Namibia eli yoo elitulamo moku kondeka noku kwatelapo omapungulo oshikondo sho ikwanghono iha ixulupo, oshoyo oku kwatela komesho  elunduluko le yokomesho.

Omutivali president okwa tofamo yoo amwe omo maupyakadi apumbwa oku talika no mesho amanamo opo ashike ondjodi yoipindi yamanguluka mu Africa idule oku hangwa pauyandi, osho sha kwatelamo oku kufapo ile oku shunifa pedu o ishoshela ili pombada moilongomwa yenenedu.

Okwati omaulikilo oipindi IATF,  okuli omito yafimana ku Namibia, moku tulapo oukumwe no ilyolongo ikwao ya Africa,  osho tati oshili mouwa woku tamununamo oinyangadalwa yo paliko.