Minister woimaliwa, Ericah Shafudah apula aveshe vakwatelwemo momayambidido oshimaliwa

Oo eli ominister yo imaliwa moshilongo Ericah Shafudah, okwe shiyelifa nghene shafimana koshikondo shoimaliwa shitule moilonga omikalo doku shunifapedu oku hena oufike pamwe no kuyandja eyakulo lo makwafo opashiwamaliwa kwaavo ina vatalikako.

Shafudah edi okwe dipopya onghela  pefimbo lo ku yeulula pambelewa oshongalele sho  2025 Alliance for Financial Inclusion (AFI) Global Policy Forum (GPF) osho tashi ningilwa ko Swakopmund.

Oshongalele ota ku lopotwa ta shuunganekelwa mo Namibia,  oshikando sho tete no sha etelela ovakufimbinga vedulife po 800,  omo mwa kwatelwa oongoloneya vee mbaanga doilyolongo vedulife po 80, eeministers, ovanambelewa vo mayambulepo oilyolongo, ovatotiveta oshoyo ovakalelipo voikondo ya yooloka okudja moilyolongo younyuni.

Oshongalele ota shikufa ombinga koshi yexuku ‘Oku nghonopaleka oshiwana no kweetapo eemito deyokomesho.’

Minister moshipopiwa shaye teshi yelifa ngene oshongalele shaunganekwa pefimbo lawapala nola pumbiwa.

Okwati oikondo yo pashimaliwa oyo ekipalombuda moku hanga eyokomesho loshilongo, nokwa denga omufindo nghene oikondo yomaxwaxwameko opaliko ya pumbwa oku dana onghandangala moku nghonopaleka oshiwana shayo, opo ilitungepo  osho tati oshili mouwa wexumokomesho lo shiwana.